ZERBITZUEN KARTA
 
Fraisoro Zentroak, GFAk erakunde gisa ezarritako jarraibideei eta eskainitako zerbitzuak hobetzeko bere ibilbideari jarraituz, hainbat bideri ekin dio.
 
Besteak beste, bere Zerbitzuen Karta argitaratu du. Karta horiek dokumentu batzuk dira, honako alderdi hauek jakinarazteko helburua dutenak: ematen diren zerbitzuen ezaugarriak eta baldintzak, herritarren eskubideak eta bermeak, eta Gipuzkoako Foru Aldundiak kalitate maila desberdinen inguruan hartzen dituen konpromisoak.
 
  
  
EGIAZTAPENA
 
Analisi laborategi baten lan esparruan, badaude tresna batzuk beraren gaitasun teknikoa hirugarrenen aurrean bermatzen laguntzen dutenak. Horietako bat Egiaztapena izan daiteke: ENACek ematen du (Egiaztapeneko Erakunde Nazionalak), eta bermatzen du UNE EN ISO 17025 araua betetzen dela (Saiakuntza eta kalibrazio laborategien gaitasunari buruzko baldintza orokorrak).
Fraisoroko Nekazaritza eta Ingurumen Laborategia 2004az geroztik dago egiaztatuta bere zenbait jardueratarako. Horien eduki zehatza ENACen orrian kontsultatu daitezke.
  • Uren eta isurien arloa eta substratuen arloa
    		•
  • Pestizida hondakinen arloa
    		•
    Egiaztatutako laborategia denez, Zentroak elkarren arteko alderaketa ariketetan parte hartzen du, bere saiakuntzen kalitatea eta bere gaitasun teknikoa ebaluatzeko. Laborategien arteko ariketak ere deitzen zaien ariketa horietan parte hartzea honela egiten da: antolatzaile batek, toki zein nazioarte mailakoa izan daitekeenak, laginak banatzen dizkie parte hartzen duten laborategiei. Laborategi bakoitzaren analisien emaitzak antolatzaileak ebaluatu eta kalifikazio bana egokitzen dio partaide bakoitzari. Arau orokor gisa, "z-score" deritzon eskala erabiltzen da: -2 eta +2 arteko emaitza egokitzat jotzen da; +2 eta +3 edo -2 eta -3 artean badago, zalantzakoa da; eta +3aren gainetik edo -3aren azpitik badago, desegokitzat jotzen da.
    Zerbitzuen Kartan laborategiak konpromisoa hartzen du bere z-scoreen % 95 EGOKI tartearen barruan lortzeko eta datu horiek argitaratzeko.
      
    EKOSCAN
     
    Zentroak ingurumenarekiko duen konpromisoari lotuta, 2006. urtean Ekoscan ziurtagiria lortu zuen, eta datozen urteetan ISO 14001 arauaren ziurtagiria eskatuko du.