Analisi fisiko eta kimikoa bazken, pentsuen eta lehengaien elikadura balioa zehazteko. Era berean, animalia jatorriko substantziarik ote dagoen eta ongarri konposatuen osaketa mikrografikoa (lehengaien %a) zein den zehazteko aukera ere eskaintzen dugu. Honako urratsak egin behar dira:

1. Lagina hartu. Pentsuen, lehengaien eta siloratu gabeko bazken kasuan, 1 kg nahikoa izango da. Siloratuen laginen kasuan, daukaten likido kopurua (zukua) kontuan hartuz, hori baino kopuru handiagoa hartu beharko da, materia lehorraren arabera ebaluatzen baita bere kontserbazio egoera (pH-a eta nitrogeno amoniakala).
2. Dagokion inprimakia bete. Prezioak inprimaki horietan agertzen dira. Eskualdeko Nekazaritza Bulegoen bidez bidalitako laginek %75eko diru laguntza izango dute. Lurralde historikoko elkarte profesionaletako kideek %85eko diru laguntza izango dute (Gilbe, Fruitel, Lurgintza...); laguntza hori ez da bateragarria aurrekoarekin.
3. Lagina laborategira bidali, Eskualdeko Nekazaritza Bulegoen bidez edo beste edozein bitartekoren bidez.

Analisia bukatzen denean, igorleari eskutitz bat bidaliko zaio dagokion zenbatekoa ordain dezan. Laborategiak ordainketaren ziurtagiria jasotzean bidaliko du saiakuntzaren txostena.

Siloratuen laginen analisien emaitzak interpretatzeko aholku hauek eta argitaratutako artikuluak kontsulta daitezke.