| Laborategiak esperientzia
eta ospe handia du lan arlo honetan, beste zentro europar
batzuekin elkarlanean baitihardu kasu bakoitzean ezarri beharreko
araudia prestatzen. Horren ondorioz, jakina da analisi prozesua
joko eremuak ebaluatzeko jarraitu beharreko etapetako bat
baino ez dela, eta proiektuak hasieratik kudeatzeko aukera
eskaintzen da, baita horien ezarpena bertatik bertara ikuskatzekoa
ere.
Hori guztia dela eta, gutxitan bidaliko dira laginak besterik
gabe laborategira; normalean aurrez adierazi beharko da arazoa
edo eskatutako proben helburua.
Oro har, eremu horrek barne hartzen ditu bai zoruen, bai
hondar, legar eta medeagarri organikoen laginak, joko eremu
baten sustraitze eta drainatze geruzen osagai diren heinean
lagin horiek ebaluatzeko. Futbolekoetan ez ezik, errugbiko,
golfeko eta beste hainbat kiroletako zelaiak ere aztertzen
dira.
Analisiaren beharra zehaztu ondoren egin beharreko urratsak
honakoak dira:
- Laginak hartu. Materialen analisi granulometrikoa egin
nahi denean gutxienez 2 litro beharko dira.
Proportzio desberdinetan nahasitako materialen propietateak
aztertu nahi direnean (hondarra-lurra, hondarra-medeagarri
organikoa), 10 litro beharko dira gutxienez
osagai nagusiaren kasuan eta 2 litrokoa
bestearen kasuan (lurra edo medeagarri
organikoa).
- Dagokion inprimakia
bete. Prezioak inprimaki horietan agertzen dira. Eskualdeko
Nekazaritza Bulegoen bidez bidalitako laginek eta lurralde
historikoko elkarte profesionaletako kideek %85eko diru
laguntza izango dute (Gilbe, Fruitel, Lurgintza...).
- Lagina laborategira bidali, Eskualdeko Nekazaritza Bulegoen
bidez edo beste edozein bitartekoren bidez.
Analisia bukatzen denean, igorleari eskutitz bat bidaliko
zaio dagokion zenbatekoa ordain dezan. Laborategiak ordainketaren
ziurtagiria jasotzean bidaliko du saiakuntzaren txostena.
Txostena interpretatzeko, aholku hauek kontsulta daitezke:
|
